Ствараем паштоўкі і мерч з малюнкамі з лістоў палітвязняў. Усе сабраныя сродкі ідуць на перадачы палітвязням праз ініцыятыву Dissidentby.
Ініцыятывы
Валанцёры праекту «Ідзі на мой голас» штодня аказваюць дапамогу беларускім уцекачам, незалежна ад таго, ці ратуюцца яны ад вайны ці ад рэпрэсій. Раней нашая каманда паспяхова спраўлялася самастойна, аднак надышоў момант, калі наша будучая магчымасць дапамагаць залежыць ад кожнага з вас.
Беларускія валанцёры гатовыя прыняць новы выклік і ўдзельнічаць у размінаванні вызваленых тэрыторый, каб туды маглі вярнуцца мірныя людзі.
Першы добраахвотніцкі мабільны шпіталь, вядомы па сваёй украінскай абрэвіятуры ПДМШ, — гэта каманда сотняў медыкаў-добраахвотнікаў з усяго свету, якая з 2014 года ратуе жыцці на фронце ў раёне баявых дзеянняў з расейскімі акупацыйнымі войскамі.
Мы прапануем вам паўдзельнічаць у стварэнні новага альбома беларускага рэгі-гурта BOTANIC PROJECT. У 2021 годзе салісты праекту пакінулі Беларусь, уцякаючы ад рэпрэсіяў рэжыму Лукашэнкі ў Кіеў. Пасля пачатку вайны музыканты былі вымушаны пераехаць у Польшчу. На дадзены момант калектыў шукае сродкі на запіс новага альбома ў Варшаве.
“Вольныя” — гэта ініцыятыва дапамогі для былых беларускіх палітвязняў. Мы дапамагаем Вольным атрымаць усебаковую падтрымку і вярнуцца да паўнавартаснага жыцця, звязвая паміж сабой людзей, якія хочуць дапамагаць, і тых, каму патрэбна падтрымка пасля вызвалення з месцаў абмежавання волі.
Збор на развіццё праекта «Беларускі Гаюн» і падтрымку працы каманды.
«Майстэрня паштовак салідарнасці» – гэта валанцёрскі сэрвіс падтрымкі зняволеных лістамі і паштоўкамі салідарнасці. Мы ствараем паштоўкі, перапісваем рукой вашыя анлайн-лісты з любой кропкі свету і адпраўляем іх зняволеным з магчымасцю атрымаць адказ на e-mail.
Збор адкрываецца для аказання дапамогі ў станаўленні арганізацыі BELPOL, пашырэнні яе магчымасцей, падтрымкі яе ўдзельнікаў і партнёраў.