Дапамога палітвязню, які цяпер адбывае пакаранне на «хіміі»

  • Гісторыя

Раней я актыўна ўдзельнічаў у Маршы Справядлівасці, дзе мяне сфатаграфавалі, знялі на відэа і выклалі ў інтэрнэт. Прайшло шмат часу, мною заняліся супрацоўнікі міліцыі, і ў выніку мяне знайшлі ў кастрычніку 2021 года. Затрымалі, пачалі праводзіць ператрус, каб знайсці строй, але не знайшлі. Пасля чаго адвезлі на Акрэсціна на 10 сутак, дзе я спаў у карцэры на бетоннай падлозе разам з іншымі людзьмі. Нас было каля 5-8 чалавек у вельмі маленькім пакоі. На Акрэсціна нас білі, мучылі з запаленым святлом, пасля чаго накіравалі ў СІЗА №1.

Мяне ўтрымлівалі пад вартай чатыры з паловай месяцы. Я знаходзіўся ў камеры, дзе было прыкладна 20 квадратных метраў і ў якую змясцілі 15 чалавек. Пасля было следства і маю справу закрылі ў студзені 2022 года. Потым мне прыйшлося чакаць, пакуль мая справа апынецца ў судзе. Суд прызначылі на 17 сакавіка. На судзе праводзілі допыты і дапытвалі сведку, які быў сярод тых, хто маршыруе. Ён мяне апазнаў.

Пракурор запытаў 2 гады абмежавання волі з накіраваннем у папраўчую ўстанову адкрытага тыпу, а таксама – пазоў у памеры 48 тысяч беларускіх рублёў. Адвакат спрабаваў запытаць абмежаванне волі без накіравання, але ў выніку была адмова. 18 сакавіка мяне вызвалілі з-пад варты ўзамен на падпіску аб нявыездзе. Праз пару дзён мой адвакат напісаў апеляцыйную скаргу ў Менскі гарадскі суд, але ў скарзе было адмоўлена. Прысуд застаўся без зменаў.

20.06.2022 мяне выклікаў крымінальны выканаўца, каб даць накіраванне ў ВУАТ-43 г. Магілёва для адбыцця пакарання. 23.06.2022 пачаўся тэрмін майго адбыцця. Я зразумеў, што тут вельмі цяжка знаходзіцца без грошай, працы і выхаду ў горад на 4 гадзіны. Ты заўсёды пад наглядам супрацоўнікаў міліцыі, бо пастаўлены на прафулік.

Мае родныя спрабуюць мяне падтрымаць маральна і фізічна, адпраўляючы пасылкі і нейкую капейку. Яны таксама спрабуюць пракарміць сябе, аплачваюць камунальныя паслугі, як і мне даводзіцца, знаходзячыся тут, штомесяц аплочваць жыллё, купляць адзенне і прадукты, пасылаць лекі. Буду вельмі ўдзячны кожнаму, хто выкажа мне падтрымку на гэтым цяжкім этапе жыцця.

Якая сума неабходна?

1250 € — прадукты харчавання; адзенне; асабістая гігіена; медыцынская дапамога.

:
€ 299
Збор завершаны. Сабрана: € 299