Зінаіду* затрымалі на працоўным месцы гэтым летам, яна правяла на «соднях» больш за месяц. Па гэтай прычыне ў жанчыны ўзніклі праблемы з сэрцам.
Зінаіда распавядае: «У 2020 годзе я падтрымала Святлану Ціханоўскую разам з калегамі – мы мірна патрабавалі перамен. Але скончылася ўсё сумна, шмат каго з іх пасадзілі.
Гэтым летам чарга дайшла да мяне. Забралі проста з працоўнага месца і асудзілі па адміністрацыйным артыкуле. Сумарна правяла за кратамі больш за месяц. Пасля гэтага мяне звольнілі.
Праз нейкі час я даведалася, што распачалі яшчэ і крымінальную справу за палітыку, і зараз ідзе праверка. Следчыя кажуць, што мне пагражае тэрмін да двух гадоў пазбаўлення волі ці «хатняя хімія».
Спадзеючыся змякчыць пакаранне я наняла адваката. Але яго паслугі каштуюць непад'ёмных грошай. Дзеці за мяжой і дапамагчы не могуць. А з боку родных і блізкіх не засталося ніякай падтрымкі, усё ад мяне адвярнуліся. Працы няма, як далей быць – не ведаю.
Праз перанесены стрэс і часовае зняволенне моцна падарвалася здароўе. Падчас абследавання выявілі магчымыя праблемы з сэрцам. Трэба абследавацца далей, але запіс на прыём у бясплатнай паліклініцы можна толькі на некалькі месяцаў уперад. Таму вымушана прасіць дапамогу і з гэтым.
Гэты збор патрэбны, каб я магла пагасіць паслугі адваката, аплаціць абследаванне і лячэнне. А таксама на бытавыя патрэбы. Ваша дапамога дасць мне магчымасць утрымацца на плаву. Дзякуй кожнаму, хто адгукнецца і ахвяруе хаця б пару еўра. Нават маленькі ўнёсак і проста ўвага да майго лёсу дапаможа мне справіцца з гэтымі цяжкасцямі».
*Гэта ананімны збор. У мэтах бяспекі мы змянілі імя гераіні. Выява згенераваная з дапамогай штучнай інтэлігенцыі.
Сума збору
€2600
€1000 – на першасныя абследаванні і лекі
€900 – на ежу і камунальныя паслугі
€700 – на адваката