Добры дзень!
Мой псеўданім Аліна Вакулавец.
Я фатографка, і я люблю Беларусь. Я фатаграфавала для газет «Спартыўная панарама», «Гастраном», «Бярозка», «Новы час», «Наша Нiва», для рэгіянальных бібліятэк, сталічнай філармоніі, для сетак хуткага харчавання. Таксама я праехала аўтаспынам шмат кіламетраў па Беларусі, каб зняць рыцарскія турніры і святы беларускай культуры.
Я сяброўка Беларускай сацыял-дэмакратычнай партыі (Грамада). У 2020 годзе я была назіральніцай на выбарах, збірала подпісы за Валерыя Цапкалу, а потым брала ўдзел у пратэстах і дапамагала палітвязням.
Я бачыла як разрываліся святло-шумавыя гранаты на Арлоўскай, каля Рыгі, у Малінаўцы, каля шпіталя хуткай дапамогі. Я бачыла страшныя ірваныя раны, якія пакідаюць пасля сябе гэтыя выбухі. Я мела зносіны з Ромам Бандарэнкам, калі мы прыязджалі да яго ў двор Перамен…
І вось прыйшоў 2023 год. Я была дома — хварэла. Раптам да мяне ў кватэру ўварваліся амапаўцы. Яны сказалі, што на мяне напісана некалькі даносаў, і што я мужу ехаць з імі. Мяне хворую з тэмпературай пад 40 выцягнулі з пасцелі і практычна без адзення павезлі ў СІЗА.
Паралельна ў мяне дома правялі ператрус, знайшлі сімволіку партыі БСДП(г), ноты і зборнікі песень, што выклікала падазрэнне ў маім удзеле ў акцыях «Вольнага хору».
10 дзён я правяла ў СІЗА. Было следства і допыты. Але следчыя не змаглі нічога сур'ёзнага на мяне знайсці, таму мяне цудам выпусцілі, і я адразу ж з'ехала.
Цяпер я пражываю ў Польшчы і чакаю рашэння па сваім запыце на міжнародную абарону. Праз гэта ў мяне пакуль што няма магчымасці працаваць на поўную стаўку. Я перажыла шмат цяжкасцяў і цяпер пакутую ад стану, падобнага да посттраўматычнага стрэсу. Мне вельмі патрэбная падтрымка для аплаты сесій з псіхатэрапеўтам, каб даць рады з гэтым станам. Таксама мне неабходная фінансавая дапамога для аплаты жылля на найбліжэйшыя месяцы, пакуль я аднаўляюся і наводжу парадак у сваім жыцці.
Сума збору:
€1500
10 заняткаў з тэрапеўтам – €500
арэнда жылля на 2 месяцы – €1000