Беларуска, якая з’ехала з краіны пасля 2020 года, засталася без працы і перажывае цяжкую дэпрэсію з самапашкоджаннем. Ёй тэрмінова патрэбна дапамога на лячэнне і аднаўленне.
Прывітанне! На сувязі каманда збораў BYSOL. Сёння мы раскажам вам гісторыю Аліны*, якая звярнулася да нас па дапамогу.
Гэта ананімная гісторыя, бо Аліна знаходзіцца ва ўразлівым становішчы: зараз яна ў цяжкай дэпрэсіі, ёй патрабуецца лячэнне і падтрымка спецыялістаў. Каб не пагоршыць стан Аліны і захаваць для яе бяспечную прастору, мы публікуем гэтую гісторыю, не раскрываючы яе асобу.
Аліна з’ехала з Беларусі пасля 2020 года – яна ўдзельнічала ў маршах у Мінску і апынулася пад пагрозай пераследу. Пераехаўшы ў Грузію, працавала праектнай менеджэркай і забяспечвала сябе сама, без падтрымкі блізкіх.
Аднак у 2025 годзе Аліну на працы нечакана скарацілі: рынак перагрэты, вакансій мала, і знайсці новую працу стала значна складаней. Да таго ж, амаль адразу пасля звальнення яна перанесла сур’ёзнае інфекцыйнае захворванне і на месяц апынулася запертай дома.
Гэты перыяд стаў для Аліны цяжкім выпрабаваннем: ізаляцыя, пастаянныя адмовы на суразмоўях і няпэўнасць моцна паўплывалі на яе стан. Зараз Аліна перажывае глыбокую дэпрэсію з суіцыдальнымі думкамі і прыступамі самапашкоджання. Ёй неабходна дапамога псіхолага і псіхатэрапеўта, а таксама медыцынская падтрымка і лячэнне. Аднак, нягледзячы на гэта, яна працягвае шукаць працу і стараецца не здавацца.
Нядаўна Аліне трэба было пакінуць сваю кватэру, бо яна не ў стане больш аплачваць жыллё. Страта стабільнасці і базавай бяспекі толькі ўзмацняюць яе стан і перашкаджаюць засяродзіцца на аднаўленні.
«Я проста хачу зноў адчуваць, што магу жыць нармальна», – кажа Аліна.
Галоўная задача – дапамагчы Аліне атрымаць неабходнае лячэнне: аплаціць дапамогу спецыялістаў, а таксама забяспечыць базавыя ўмовы для жыцця на час аднаўлення.
Аліна просіць дапамогі, каб перажыць гэты перыяд і вярнуцца да нармальнага жыцця. Ваша падтрымка можа даць ёй шанец на стабільнасць.
Дзякуй!
Каманда збораў BYSOL.
*Гэта ананімны збор. У мэтах бяспекі мы змянілі імя гераіні. Выява згенеравана пры дапамозе ШІ.
Сума збору
€2400
€1200 – рэгулярныя сесіі з псіхолагам і псіхатэрапеўтам (2–3 месяцы стабільнай тэрапіі)
€400 – медыцынская падтрымка і прэпараты
€800 – аплата кватэры на час аднаўлення