UPD: На жаль, Сяргей памёр. Сям'я ўдзячная ўсім донаторам і мае патрэбу ў дапамозе для экстрадыцыі цела і пахавання. У сувязі з чым збор працягваецца.
З 1996 года Сяргей Падузаў дапамагае людзям, якія пацярпелі ад парушэння правоў чалавека, займаецца навучаннем і прасоўваннем каштоўнасцяў права і дэмакратыі, маніторынгам у розных краінах, часта ў вельмі небяспечных сітуацыях. Сяргей — сузаснавальнік і сустаршыня праваабарончай арганізацыі «Чалавек і Закон», юрыст, трэнер па правах чалавека, супрацоўнічаў з ААН, АБСЕ, Радай Еўропы. Яго арганізацыю ў Расеі прызналі «замежным агентам», некалькі гадоў запар былі пастаянныя праверкі, штрафы і пагрозы, але ён, як і яго калегі, працягвалі працаваць і абараняць людзей, нягледзячы на ўсе перашкоды.
Сяргей адзін з яскравых прадстаўнікоў расейскай і міжнароднай праваабарончай супольнасці, для каго каштоўнасці правоў чалавека, важнасць чалавечай годнасці, чалавечнасць — гэта аснова і ў жыцці, і ў прафесіі. Ён удзельнічаў у праваабарончых праектах, звязаных з Беларуссю, Украінай, Малдовай, Цэнтральнай Азіяй ды іншых. Шмат гадоў ён і яго арганізацыя, апроч іншага, працуюць з праблемай катаванняў, парушэнняў у месцах зняволення, пытаннямі несправядлівага судовага разбору.
Сяргей выдатны прафесіянал, сябар, калега і проста добры і сумленны чалавек.
Год таму ў Сяржука выявілі рак страўніка, ён перанёс складанае лекаванне, ў тым ліку хірургічнае ўмяшальніцтва. Першапачатковая тэрапія паказала пазітыўныя вынікі, але ўмяшаўся каранавірус, і яго стан пагоршыўся. Цяпер ён у турэцкай клініцы, гэта адзіна магчымы варыянт на эфектыўную дапамогу ў існуючай сітуацыі. Тэрмінова патрабуецца пачаць яшчэ адзін этап дарагога лекавання. Агулам трэба каля 50 000 даляраў. Сяржук вельмі хацеў даць рады з усім сам, доўга не згаджаўся гаварыць аб сваёй хваробе публічна. Але цяпер сітуацыя безвыходная, і мы вымушаныя звярнуцца да вас па дапамогу.
Ад імя сям'і Сяргея, ягоных калегаў і сяброў у розных краінах, мы вырашылі адкрыць збор сродкаў на аплату лекавання ў клініцы. Прадстаўніком ініцыятыўнай групы з'яўляецца эксперт Хельсінкскага фонду па правах чалавека Вольга Саламатава (да яе можна звяртацца на адрас: [email protected]). Мы лічым, што для Сяргея важна зрабіць усё, што ў нашых сілах. На яго заўсёды можна было разлічваць.
Сяргей прызвычаіўся дапамагаць, а не прасіць дапамогі для сябе, таму доўга не пагаджаўся на публічнасць. Гэта не гучныя словы, дык проста ёсць. Але Сяргей патрэбен сваёй сям'і, нам, яго сябрам і калегам, і ўсім тым, каму ён дапамагаў, з кім працаваў, хто яго ведае. Ён дапамог неверагоднай колькасці людзей у розных краінах і яшчэ дапаможа. Мы ўпэўненыя, што ён падымецца на ногі і працягне працу на карысць правоў чалавека, трэба толькі дапамагчы і падтрымаць яго цяпер! Будзем удзячныя за любую суму і верым у салідарнасць!
Якая сума неабходна?
20600 € — аплата часткі лекавання і знаходжання ў шпіталі.