Я — жонка палітвязня. Майго мужа затрымалі за каментар у сацыяльных сетках у верасні 2021 года. Да гэтага часу ён знаходзіцца пад следствам. Яму ставяць у віну 130 ч.1 і 369 артыкулы па «справе Зэльцара». Пасля ягонага затрымання я засталася зусім адна ў сям'і практычна без сродкаў на існаванне.
Дома майго мужа чакаюць сямёра дзяцей. Малодшага дзіцяці ён яшчэ не паспеў убачыць, бо яно нарадзілася ў студзені 2022 года, калі муж ужо знаходзіўся пад следствам. Застаўшыся самі, мы ледзьве зводзім канцы з канцамі. Нягледзячы на цяжкасць нашага становішча, мы ўсё ж спрабуем шукаць розныя метады падтрымкі мужа і рэгулярна робім яму перадачы ў СІЗА. Дзеткі сумуюць па тату і чакаюць яго. Сядзяць, глядзяць у акно і кажуць: «Ну калі тата прыедзе з працы нарэшце?». Мне б вельмі хацелася папрасіць вас аб дапамозе для таго, каб здолець падтрымаць дзяцей, мужа і ўсю нашу сям'ю на час, пакуль бацька знаходзіцца ў зняволенні.
Якая сума неабходна?
1000 € — падрыхтоўка дзяцей да школы і саду: купля канцтавараў і адзення.