Мае любімыя беларусы!
Падзеі пасля 2020 года неверагодна згуртавалі нас і паказалі, хто мы, і як мы можам падтрымліваць адна адну.
Я, як і тысячы беларусаў, пацярпеў ад гэтага рэжыма. Я прайшоў праз жахі ІЧУ і СІЗА, выплаціў некалькі штрафаў, прайшоў праз катаванні карцэрам і холадам, атрымаў некалькі крымінальных артыкулаў і цалкам адсядзеў тэрмін [BYSOL мае ўсе пацвярджальныя дакументы].
Але нягледзячы на ўсё гэта я хачу застацца ў краіне, бо тут мой дом, і я веру, што дабро пераможа.
На дадзены момант мне як чалавеку, у якога некалькі палітычных артыкулаў, складана знайсці добрую працу. Таму я запісаўся на дарагія курсы, каб засвоіць новую прафесію і знайсці працу ў IT сферы.
На жаль, я сам не магу аплаціць гэтыя курсы, бо ў мяне ёсць дзеці, якіх я не магу пазбавіць маленькіх жаданняў. Але я не па чутках ведаю, якія мы неверагодныя, і як мы ўмеем працягваць адзін аднаму руку ў складаны момант.
Вельмі прашу вас аб дапамозе з аплатай маіх курсаў. Я веру ў вас, а вы верце, што ўсё будзе добра!
Сума збору:
€1200
Курсы каштуюць 4065 рублёў.