Мая гісторыя пачаліся ў 2020-м годзе. Я працаваў пісьмовым перакладчыкам. Мы з жонкай і дачкой пражывалі ў Гомелі недалёка ад цэнтру. Я не быў уцягнуты ў апазіцыйны рух, жыў звычайным жыццём і стараўся падтрымліваць дамачадцаў шчаслівымі. Гэта доўжылася да моманту, калі я даведаўся пра жорсткія падаўленні мірных пратэстаў. Я імкнуўся выказаць падтрымку ў адрас мірных пратэстоўцаў і тых, хто ўжо пацярпеў ад гэтага вар'яцтва.
Я хадзіў на мітынгі да дваццатага верасня, калі пачаліся затрыманні, і быў адным з першых арыштаваных. Прысудзілі восем сутак. Пад канец адбывання пакарання я даведаўся, што міліцыя пачала выкарыстоўваць гранаты супраць людзей. Пачаў сур'ёзна баяцца за сям'ю.
Пасля сутак я аказаўся ў дзіўнай сітуацыі. Здавалася, усё зноў вярнулася на свае колы, але разам з тым мяне не пакідала пачуццё нябачнай пагрозы. Цягам паўтара года мяне неаднаразова выклікалі ў розныя аддзелы міліцыі. У студзені 2022 года мяне падманам выклікалі ў РАУС і зноў затрымалі за стары інцыдэнт. На гэты раз скаралі на 18 месяцаў пазбаўлення волі з адбываннем пакарання ў папраўчай калоніі. Справу сфабрыкавалі, падвялі пад крымінальны артыкул, дадалі саўдзельнікаў.
Яшчэ знаходзячыся ў СІЗА я пачаў пісаць, атрымаў ухвалу ад аднаго добрага чалавека, брат якога быў таксама палітычным вязнем, і да моманту прыбыцця ў калонію меў ужо не адну працу як у прозе, так і ў вершах, і мноства станоўчых ацэнак.
Ні турма, ні калонія мяне не зламалі, як і тых, хто мне суперажываў, і каму суперажываў я. Мне атрымалася захаваць у памяці мноства падрабязнасцяў хутчэй за ўсё таму, што запісы адбіралі, спробы зрабіць нешта ўтойліва караліся, а ўсе планы, якія выказваюцца ўслых, ператвараліся ў шматлікіх у дэталі чарговых спраў… Вельмі жадаю падзяліцца сваімі перажываннямі, уражаннямі і жыццёвымі ўрокамі, вынесенымі адтуль. Упэўнены, гэта дапаможа справіцца шматлікім людзям і зрабіць свае высновы.
Мне не ўдалося вынесці рукапісы з ВК-15. Спадзяюся з цягам часу аднавіць іх у поўным аб'ёме. Частка матэрыялу ўжо гатовая, а вытрымкамі з кнігі я дзялюся ў інтэрв'ю нармальным інфармацыйным выданням. Аднак трэба аднаўляць не толькі працу, але і здароўе.
Такая мая гісторыя.
Якая сума неабходна:
1550€
Частка гэтай сумы будзе выкарыстана для закупкі дробнай тэхнікі і матэрыялаў для творчасці.
Рэшта сродкаў спатрэбіцца для набыцця адзення, медыкаментаў і іншых неадкладных патрэб, якія не кампенсуюцца льготамі ў перыяд рэгістрацыі і атрымання еўрапейскіх дакументаў.