Я баец Палка Каліноўскага. Мой пазыўны Вецер [пазыўны з меркаванняў бяспекі зменены, Фонд BYSOL мае ўсе пацвярджальныя дакументы].
Пасля выбараў я актыўна ўдзельнічаў у пратэстах, аж да самых апошніх, калі хадзілі адзінкі. Хуткія ногі ратавалі мяне неаднаразова. Таксама я падтрымаў народны ультыматум і сваім бізнэсам удзельнічаў у страйку. За гэта па мяне прыйшлі. Спачатку МНС, потым і іншыя службы. Сказалі, што мой бізнэс працаваць не будзе. Таму мне давялося закрыцца, і я з'ехаў з Беларусі.
Калі пачалася вайна, я прыняў рашэнне далучыцца да байцоў тады яшчэ батальёна Каліноўскага. У канцы сакавіка 2022 года я падпісаў кантракт, прайшоў падрыхтоўку і патрапіў у баявыя шэрагі. Я ўдзельнічаў у абароне Мікалаева, Севераданецка, выконваў задачы на Запарожжы і прымаў удзел у наступе на Херсонскую вобласць.
Самае страшнае на вайне — гэта губляць сваіх пабрацімаў. Мяне да гэтага часу мучаць кашмары, асабліва па тых, каго нельга пакуль пахаваць. Праз начлегі у склепах і акопах у мяне пачала адмаўляць правая рука. Таксама з'явілася адчуванне, што поспех, які дапамагаў у аперацыях, можа скончыцца, а ў мяне дзеці… Таму праз 4 месяцы ўдзелу ў баявых дзеяннях я напісаў заяву на звальненне.
Пасля вяртання я каля паўгода знаходзіўся ў глыбокай дэпрэсіі. Закрываўся ў кватэры, практычна не выходзіў. Цяпер я працую, але пакуль сродкаў хапае толькі на аплату кватэры і харчаванне.
Каб з маёй прафесіяй легалізавацца ў Польшчы, мне трэба паступіць у польскую ВНУ. А для гэтага трэба аплаціць першы год навучання.
Мяне турбуе сустаў у руцэ — трэба абследаванне. Але так як легалізацыі няма, буду звяртацца ў прыватную клініку. Таксама трэба падлекаваць зубы.
Перыядычна ў мяне ўзнікаюць наступствы ПТСЗ (посттраўматычныя стрэсавы засмучэнне), і трэба прайсці курс EMDR-псіхатэрапіі.
Я таксама збіраюся перавезці дзіця з Беларусі ў Польшчу, каб яно тут вучылася – тут бяспечна і лепш перспектывы. Таму неабходна знайсці больш кватэру і купіць неабходныя для вучобы рэчы.
Буду ўдзячны за любую дапамогу, якую вы зможаце мне аказаць.
Сума збору:
€4700 — 1000 еўра на EMDR псіхатэрапію – гэта 20 сеансаў. 400 эўра на лекаванне зубоў, 300 еўра на медабследаванне суставаў, 1500 на дапамогу ў арэндзе кватэры на некалькі месяцаў, 1100 еўра першы год вучобы ў ВНУ, 400 еўра на збор дзіцяці ў школу.