Ініцыятыва ДаВолі абвяшчае збор на масштабную публічную акцыю ў Варшаве 9 жніўня 2026 года, якая нагадае пра падзеі 2020 года ў Беларусі, прыцягне ўвагу да працяглых палітычных рэпрэсій і прадэманструе, што беларускае грамадства працягвае барацьбу за свабоду.
Гэта мерапрыемства павінна стаць важным грамадскім сігналам пра тое, што беларускі крызіс не завершаны, палітычныя рэпрэсіі працягваюцца, і таму Беларусь не павінна знікаць з міжнароднага парадку дня.
Дзейнасць ініцыятывы ДаВолі арыентавана найперш на беларускую супольнасць у Польшчы, а таксама на шырэйшую міжнародную аўдыторыю, для якой важна захаванне ўвагі да сітуацыі ў Беларусі.
Мы плануем:
- правесці адкрытае мерапрыемства ў цэнтры Варшавы з удзелам вядомых беларускіх грамадскіх і палітычных дзеячаў, музыкаў і прадстаўнікоў грамадзянскай супольнасці;
- сабраць некалькі сотняў удзельнікаў акцыі і прыцягнуць увагу жыхароў Варшавы, польскіх медыя і міжнароднай супольнасці;
- стварыць нагоду для шырокага асвятлення беларускай тэматыкі ў польскіх і беларускіх незалежных СМІ, а таксама ў сацыяльных сетках;
- умацаваць сувязі і салідарнасць у беларускай дыяспары, стварыўшы прастору для сустрэчы, падтрымкі і сумеснага ўдзелу ў грамадскім жыцці;
- яшчэ раз данесці да грамадства, што палітычныя рэпрэсіі ў Беларусі працягваюцца, сотні палітвязняў застаюцца за кратамі, а тысячы беларусаў не могуць бяспечна вярнуцца дадому
Сродкі, сабраныя праз гэты збор, будуць выкарыстаныя для арганізацыі і правядзення акцыі:
- арэнды сцэнічнага, гукавога і тэхнічнага абсталявання
- забеспячэння бяспекі
- пакрыцця арганізацыйных і рэгістрацыйных выдаткаў
- падрыхтоўкі праграмы і лагістыкі ўдзельнікаў
Гэта дазволіць правесці мерапрыемства на належным узроўні і зрабіць яго прыкметнай грамадскай падзеяй у Польшчы.
Сума збору
€3000