Цяжкасці для палітвязняў не сканчаюцца на парозе турэмнай камеры. Пасля вяртання дадому яны сутыкаюцца з жорсткай рэальнасцю непрыняцця дзяржавай, якая робіць усё, каб пазбавіць нармальнага жыцця ўсіх, хто не падлізваецца да рэжыму.
Многіх былых палітычных вязняў звальняюць з працы, яны загразаюць у даўгах і не могуць знайсці працу па спецыяльнасці. У такой сітуацыі добра мець магчымасць авалодаць новай прафесіяй, пажадана па прыхільнай да аддаленай працы спецыяльнасці.
BYSOL адкрывае спецыяльны збор для навучання 15 былых палітвязняў на такую запатрабаваную спецыяльнасць, як SMM-мэнэджар.
Удзельнікі змогуць пазнаёміцца з працай з медыя-кантэнтам і інтэрнэт-маркетынгам, навучацца ствараць і планаваць змесціва, а таксама вывучаць навыкі камунікацыі з падпісчыкамі і аналізу рынку.
Якаснае навучанне не бывае бясплатным. Таму, каб падрыхтаваць прафесіяналаў, гатовых выходзіць на працу пасля курса, неабходна сабраць сродкі на працу выкладчыкаў.
Давайце разам падорым новае жыццё тым, у каго яго бязлітасна адабралі!
Сума: 1500 еўра — аплата працы выкладчыкаў.