BYSOL'у 5 гадоў! Як павіншаваць нас?

14 жніўня ў 2020 годзе група беларусаў і беларусак стварылі Фонд BYSOL. За пяць гадоў мы прайшлі доўгі шлях, дапамагаючы людзям, якія апынуліся ў бядзе. Найперш гаворка ідзе пра рэпрэсаваных і іх сем'і.

За гэтыя пяць гадоў мы разам з вамі сабралі і выплацілі немалую суму — каля 8 мільёнаў еўра! А таксама мы аказвалі дапамогу, прыцягваючы рэсурсы міжнародных донараў.

Сёння мы аб'ядноўваем беларусаў і беларусак, якім патрэбная дапамога, а таксама тых, хто гатовы і хоча дапамагаць сваім людзям. Мы эвакуюем беларусаў з краіны, выплачваем аднаразовую дапамогу, арганізоўваем персанальныя зборы, падтрымліваем грамадскія ініцыятывы. І мы не збіраемся спыняцца на гэтым!

Мы — каманда прафесіяналаў. Нашыя мэты — развіваць культуру дапамогі, умацоўваць салідарнасць і падтрымліваць канкрэтных людзей.

Хочаце і можаце павіншаваць нас?

Падтрымайце каманду BYSOL ахвяраваннем, а яшчэ лепей — штомесяцовай падпіскай!