Абнаўленне ў працы службы эвакуацыі BYSOL

Служба эвакуацыі BYSOL абнавіла форму прыёму заявак. Кірунак працуе ў стандартным рэжыме, унутраныя змены не ўплываюць на магчымасць атрымання падтрымкі пры патрэбе экстраннай рэлакацыі.

Змены звязаныя з тым, што частка каманды напрамку эвакуацыі вырашыла развіваць уласную ініцыятыву — ProEvac. Мы дзякуем калегам за гады супрацы і зычым дасягнення новых вяршынь у працы. Нагадаем, што служба эвакуацыі BYSOL працуе ад 2021 года — мы дапамагаем людзям, якія знаходзяцца пад пагрозай палітычна матываванага пераследу, пакінуць Беларусь. У 2023 годзе служба эвакуацыі BYSOL была названая «Праваабарончай ініцыятывай года».

Просім усіх уважліва правяраць кантакты і інфармацыю, арыентуючыся толькі на афіцыйны сайт BYSOL, каб гарантаваць бяспеку і дакладнасць дадзеных.

Фонд працягвае аказваць падтрымку тым, хто мае ў ёй патрэбу. Дзякуем за давер!