Як будзе працаваць экстранны збор і выплачвацца дапамога?

Збор сродкаў працягнецца да 31 сакавіка 2026 года.

Дапамога з экстраннага збору будзе выплачана вязням з групы вызваленых 19 сакавіка 2026 года, якія пацярпелі па палітычных матывах.

Каб атрымаць дапамогу з экстраннага збору, неабходна пацвердзіць сваё жаданне або непасрэдна звярнуцца ў BYSOL да 31 жніўня 2026 года ўключна. Кантакт у Telegram: @bysol_pzk

Незапатрабаваныя да 31 жніўня 2026 года сродкі экстраннага збору будуць пераразмеркаваныя паміж тымі палітвязнямі з групы вызваленых 19 сакавіка 2026 года, якія звярнуліся па дапамогу (пацвердзілі жаданне атрымаць дапамогу).

BYSOL не спаганяе камісію, аднак сума выплат можа быць крыху меншай — за кошт камісій плацежных сістэм і банкаўскіх камісій.